भदौ २९ । उच्चस्तरीय राजनीतिक समितिले ३३ दलीय मोर्चाको माग अस्वीकार गरेपछि दलहरुबीचको संवाद भाडिएको छ ।

नयाँबानेश्वरमा शनिबार साँझ बसेको राजनीतिक समितिको बैठकले मंसिर ४ को चुनाव सार्न नकिने र सरकार परिर्वतन पनि गर्न नसकिने निर्णय गरेका छन् ।

बैठकपछि कांग्रेस नेता मिनेन्द्र रिजाल र एमाले नेता रघुजी पन्तले माओवादीको माग पूरा गर्न सरकार परिवर्तन गर्दा घोषित चुनावी तयारीमा असर पर्ने भएकाले अस्वीकार गर्ने निर्णय भएको जानकारी दिए ।

समितिको निर्णयसँगै आइतबार शितल निवासमा हुने सर्वदलीय बैठक भाडिने निश्चित जस्तै बनेको छ ।
३३ दलीय मोर्चाका कार्यदल संयोजक देव गुरुङले परिवर्तनलाई नरुचाउने, सहमति गर्न नदिने, विदेशीले सिफारिस गरेको र उनीहरुले नै तोकिदिएको मितिमै काम गर्नुपर्ने, जुन मितिमा अनि विदेशीले जे गर भन्छन् त्यहीँ गर्दै आएका र गर्ने राष्ट्रिय आत्मसमर्पणवादी चिन्तनका कारण सहमति भाड्न खोजिरहेको बताए ।

शुक्रबार नै राष्ट्रपतिसहितको सर्वदलीय छलफलमा पेस गरेको आफ्नो बटम लाइन भएको उनको भनाई छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।