आजदेखि कुखुरा, अण्डा लगायत किनबेचमा प्रतिबन्ध

साउन १७ । पंक्षीबाट मानिसमा समेत सर्ने रोग बर्डफ्लु उपत्यकामा बढेर गएपछि सरकार आजदेखि कुखरा र कुखुराजन्य पदार्थ किनबेचमा रोक लगाउनेमा पुगेको छ ।

उपत्यकाका एक दर्जन भन्दा बढी कुखुरा फार्महरुमा बर्डफ्लु फेला परेको र बर्डफ्लु लागेका कुखुरा तथा कुखुराजन्य पदार्थहरु अवैध तरिकाले समेत बेचबिखन भईरहेको बेला सरकारले कुखुरा जन्य पदार्थ किनबेचमा प्रतिबन्ध लगाउन लागेको हो ।

पन्ध्र दिनयता मात्र उपत्यकाका १६ ठाउँमा बर्डफ्लु संक्रमित कुखुरा भेटिएपछि नियन्त्रण अभियान चलाउन किनबेच रोक्न लागिएको हो ।
जिल्ला प्रशासन कार्यालय, काठमाडौं बबरमहलमा बिहान उपत्यकाका तीनै जिल्लाका प्रमुख जिल्ला अधिकारी तथा पशु एवं सुरक्षा अधिकारी सम्मिलित बैठकले किनबेच रोक्ने निर्णय लिने जिल्ला पशुसेवा कार्यालयले जनाएको छ ।

हाम्रो फेसबुक पेज लाइक गरिदिनु होला

पशु स्वास्थ्य ऐनअनुसार कुनै संक्रामक रोग फैलिएर महामारीको जोखिम देखिए जिल्ला पशुसेवा कार्यालयप्रमुखले मात्र यस्तो प्रतिबन्ध लगायत सक्ने प्रावधान रहेको छ ।