निर्वाचन बहिस्कार प्रक्रियाका विषयमा ३३ दलबीच छलफल

साउन १५ । नेकपा–माओवादीसहितको ३३ दलको बसेको बैठकमा उच्चस्तरीय राजनीतिक समितिले वार्ताका लागि पुनः पठाएको पत्रबारे छलफल भएको छ ।

नेकपा–माओवादीको पार्टी कार्यालय बुद्धनगरमा सोमबार बसेको बैठकमा निर्वाचन प्रक्रिया तथा ३३ दलीय मोर्चालाई कसरी अघि बढाउने भन्ने विषयमा छलफल भएको नेकपा–माओवादीका सचिव देव गुरुङले जानकारी दिए ।

आजको बैठकमा निर्वाचन बहिस्कारको प्रक्रियाका विषय र मोर्चाबीच एकआपसमा बढेको असमझदारीलाई कसरी समाधान गरेर जाने भन्ने विषयमा पनि छलफल भएको उनले बताए ।

सचिव गुरुङका अनुसार निर्वाचन प्रक्रिया, मोर्चाले लिने रणनीतिका बारेमा थप गहन छलफल गर्नुपर्ने भएकाले भोलि पुनः बैठक बसेर निर्णय गरिनेछ ।