वालिङमा स्थानीयवासीद्धारा अस्पताल सञ्चालन

साउन  ६ ।  स्याङजाको वालिङमा १५ शय्याको वालिङ अस्पताल आजदेखि सञ्चालनमा  भएको छ ।
स्थानीयवासीको सामूहिक प्रयासमा अस्पताल सञ्चालनमा  गरिएको हो ।

अस्पताल सञ्चालन समितिका अध्यक्ष ध्रुवप्रसाद शर्माका अनुसार २४ सै घन्टा आकस्मिक , स्त्री तथा प्रसूति, प्रयोगशाला,  सामान्य चिकित्सा, दन्तरोग, सामान्य शल्यक्रिया, एक्सरे, भिडियो एक्सरे, गर्भवती परीक्षणलगायत सेवा किो व्यवस्था  गरिएको छ ।

सर्वसाधारणले सामान्य स्वास्थ्य सेवा लिन पनि पोखरा, पाल्पा पुग्नुपर्ने समस्यालाई ध्यानमा राखी अस्पताल सञ्चालन गरिएको अध्यक्ष शर्माले बताए ।

अस्पताल सञ्चालनमा आएपछि यस क्षेत्रका झन्डै ५० गाविस, एक नगरपालिका र छिमेकी जिल्ला पर्वत र गुल्मीका दर्जनौँ गाविसका सर्वसाधारण लाभान्वित हुने अस्पतालले जनाएको छ ।

अस्पतालमा दुई  मेडिकल अफिसर, दुई स्टाफ नर्स, दुई हेल्थ असिस्टेन्ट,  दुई ल्याब प्राविधिकसहित झन्डै १५ प्राविधिक  २४  घण्टा  तयार रहेका छन । यसै गरी हप्तामा काठमाडौँ तथा पोखराका विशेषज्ञलाई बोलाएर विशेषज्ञ सेवा पनि सञ्चालन गर्ने अस्पताल प्रशासनले जनाएको छ ।