स्कुलको विषाक्त खाना खाँदा भारतमा २१ बालबालिकाको मृत्यु

साउन २ । पूर्वी भारतको बिहार राज्यमा एक सार्वजनिक विद्यालयमा विषाक्त खानेकुराबाट ज्यान गुमाउने बालबालिकाको सङ्ख्या २१ पुगेको छ ।

स्थानीय प्रहरी स्रोतले बुधबार जनाएअनुसार विद्यालयमा खाना बनाउने एक महिलासहित करिब ३० व्यक्ति अझै सो विषाक्त खानेकुराको सेवनपछि बिरामी परेका छन् ।

हाम्रो फेसबुक पेज लाइक गरिदिनु होला

ती सबैलाई बिहारको राजधानी पटनास्थित पटना मेडिकल कलेजमा उचारार्थ लगिएको समाचारमा जानकारी दिइएको छ । बिहार राज्यको सरन जिल्लामा अवस्थित एक विद्यालयमा स्थानीय समयअनुसार मङ्गलबार अपरान्ह खाना वितरणपछि सो घटना भएको जनाइएको छ ।

विद्यालयमा प्रमुख खाद्यको रुपमा बालबालिकालाई खिचडी दिइएको बताइएको छ । सो खिचडी खाएपछि नै बालबालिका बिरामी परेका समाचारमा उल्लेख छ ।

भारतका कयौं राज्यद्धारा सञ्चालित विद्यालयमा निशुल्क खाना वितरण गर्ने गरिन्छ । ती विद्यालयहरुमा वितरण गरिने खानेकुरामा घोटाला हुने गरेको समाचार यसअघि पनि आउने गरेको थियो ।

स्थानीय टेलिभिजन च्यानलका अनुसार यस घटनमा ज्यान गुमाउने विद्यार्थिहरु ९ वर्षदेखि १२ वर्षसम्मका रहेका छन् ।

यसअघि पनि बिहारका विद्यालयहरुमा दिउँसो खानाको समयमा खुवाइने खाने कुरामा माउसुली, मुसा र विभिन्न कीराहरुसहित अखाद्य वस्तु भेटिने गरेका समाचारमाहरु आउने गरेका थिए । एजेन्सी