१७ अर्ब २४ करोडको बजेट आयो

बजेटमा संविधानसभा निर्वाचनको अलवा ऊर्जा, कृषि, भौतिक पूर्वाधार, शिक्षा, पर्यटन, लगानी प्रबर्द्धन, सुशासन प्राथमिकतामा परेका छन् ।  सरकारले पशुपति क्षेत्र, लुम्बिनी, राष्ट्रपति चुरे संरक्षण कार्यक्रम र भेरी बबई डाईभर्सनलाई राष्ट्रिय गौरवका योजना घोषणा पनि गरेको छ । सरकारले तीन वर्षपछि कर्मचारीको तलव १८ प्रतिशतले वृद्धि पनि गरेको छ ।

लक्ष्य पूरा गर्नका लागि सरकारले राजस्व मार्फत ३ खर्ब ५९ अबै ३० करोड उठाउने नीति राखेको छ ।

 यस्तै सावाँ भुक्तानी बाट ५ अर्ब ५० करोड र बैदेशिक सहयोगबाट ६९ अर्ब ५४ करोड उठाउने लक्ष्य छ । यो स्रोतबाट नपुगेर ७७ अर्ब घाटामा रहने बजेटको लागि ४३ अर्ब बैदेशिक ऋण र ४४ अर्ब आन्तरिक ऋणबाट पुर्ती गरिने छ ।

बजेटका केही बुँदाहरु यस प्रकार छन्  :

– बजेट निर्वाचन केन्द्रित रहेको छ । निर्वाचनका लागि  १६ अर्व रुपैयाँ छुट्याइएको छ । तर हुने नहुने निश्चित छैन ।
–  संविधानसभा निर्वाचन स्वतन्त्र, निष्पक्ष र भयरहीत बनाउन सहयोग पुर्‍याउने ।

– जलविद्युत, कृषि, भौतिक पूर्वाधार, शिक्षा, पर्यटन, निजी क्षेत्रका लागि लगानी प्रबर्द्धन, सार्वजनिक सेवा प्रवाहमा सुधार र सुशासन प्राथमिकता ।

– गरिबी निवारणका लागि ४ अर्ब ८२ करोड ।

– उर्जा क्षेत्रलाई ३० अर्ब ।

– सार्वजनिक निजी साझेदारीलाई प्रोत्साहित गर्ने ।

– ७ हजार १ सय ४३ सामुदायिक विद्यालयमा कम्प्युटर र इन्टरनेट पुर्‍याउन १ अर्ब ।

– विभिन्न जलविद्युत आयोजनाको मर्मतका लागि १ अर्ब ९ करोड ।

 – कलंकी कोटेश्वर सडकलाई ८ लेन बनाउनका लागि ५१ करोड ।