डाँकाको प्रतिकार गर्दा तीन जना घाइते

असार २९  सिरहाको देवीपुर ९  टोलमा आज राती डाकाँहरुको समुहले लुटपाट गरेको छ ।  डाँकाहरुलाई  प्रतिकार गर्दा  देवीपुरका   गुरुदयाल महतो, रबिन्द्र महतो र अरविन्द महतो घाइते छन्। उनीहरुको स्थानिय अस्पतालमा उपचार  गरिएको छ । राति १२  बजेको समयमा १०-१२ जनाको सशस्त्र डाँका समूह  गाउँमा छिरेर   १२ घरबाट  गरगहना साथै करिब ५ लाख  भन्दा बढीको धनमाल लुटेर लगेको प्रहरीले बताएको छ ।

१०- १२  जनाको समुहले  लाठी, खुकुरी लगायत घरेलु हतियार सहित टोलमा प्रवेश गरि लहरै डकैती गर्न थालेपछि स्थानिय प्रतिकारमा उत्रेका थिए । उनीहरु संख्या धेरै र हतियार सहित भएकोले  समात्न नसकेको घाइते  भएका रबिन्द्र महतोले बताए   इलाका प्रहरी कार्यालय विष्णुपुर लाई खबर भए पनि डकैती गरी भागिसकेपछि  मात्र प्रहरी आएको स्थानीयको बताएका छन ।
। घटनाको बारेमा अनुसन्धान भइरहेको प्रहरीले बताएको छ ।