चार ग्राम हिरोइनसहित केन्यामा आठ नेपाली महिला पक्राउ

असार २८ । अफ्रिकी मुलुक केन्यामा आठ नेपाली महिला चार ग्राम हिरोइनसहित पक्राउ परेको खबर समाचार संस्था सिन्ह्वालाई उदृत गर्दै अन्नपूर्णपोष्टले समाचार छापेको छ ।

केन्या प्रहरीले नैरोबीस्थित रात्रिक्लबबाट ती महिलालाई पक्राउ गरेको हो ।

हाम्रो फेसबुक पेज लाइक गरिदिनु होला

समाचारमा उल्लेख भएबमोजिम माकेन बार तथा रेस्टुरेन्टमा बुधबार राति छापा मार्दा पक्राउ पर्ने १३ मध्ये आठजना नेपाली महिला रहेको त्यहाँका डिभिजनल पुलिस कमान्डर भिटालिस ओटिएनोले बताएका छन् ।

छानबिनका क्रममा रेस्टुराँ मालिक र उनकी पत्नीलाई पनि पक्राउ गरिएको अधिकारीहरुले जनाएका छन् ।

पक्राउ परेका महिलासँग रेस्टुराँमा नभई अन्यत्र काम गर्ने अस्थायी अनुमति भएको केन्या प्रहरीले जनाएको छ ।

रात्रि क्लबमा उपस्थित अन्य सर्वसाधारणले ‘केही व्यक्तिले लागूऔषध सेवन गरेको’ जानकारी गराएपछि प्रहरीले छापा मारेको बताइएको छ ।