भारतले बाँध खोलेकाले दार्चुलामा बाढी आयो : कांग्रेस प्रवक्ता

असार २० । नेपाली काँग्रेसका प्रवक्ता दिलेन्द्रप्रसाद बडुले भारतले धौलीगङ्गाको बाँध खोलेका कारण दार्चुलामा बाढी आएको दाबी गरेको छन् ।

भारतले धौलीगङ्गाको बाँध खोलेपछि महाकालीमा एक्कासि पानीको बहाव बढेकोले दार्चुलालगायत कञ्चनपुरमा क्षति भएको उनको भनाई छ ।

हाम्रो फेसबुक पेज लाइक गरिदिनु होला

नेपाल प्रेस युनियन कञ्चनपुरले आज महेन्द्रनगरमा आयोजना गरेको पत्रकार सम्मेलनमा बोल्दै उनले यस विषयमा दुवै देशका प्राविधिक सम्मिलित एक प्राविधक टोली बनाएर भौगर्भिक अध्ययन गनुपर्ने समेत बताए । भविष्यमा पुनः यस प्रकारको क्षति दोहरिन नदिनका लागि पनि समयमै यस कार्यको थालनी गर्नुपर्ने उनको भनाई छ ।

कार्यक्रममा उनले लोकतन्त्र बचाउन निर्वाचन अपरिहार्य भएको विचार समेत व्यक्त गरे ।

निर्वाचनको विरोधमा उत्रिएका केही दलहरु पनि अन्तत्वगत्वा निर्वाचनमा समाहित हुने भन्दै उनले चुनावका लागि सबै पार्टी तयार भइसकेको दाबी समेत गरे ।