माओवादीद्धारा १३५ बिघा जग्गा कब्जा

असार १३, रासस । नेकपा–माओवादी महोत्तरीले जिल्लाको सुदूरपश्चिम–दक्षिणवर्ती फूलकाहा गाविसमा १३५ बिघा निजी जग्गा कब्जा गरेको छ । बसन्त श्रेष्ठ, नरेश यादव र जगन्नाथ सिंह स्वामित्वका १३५ बिघा जमिन सो पार्टीका कार्यकर्ताले बुधबार कब्जा गरेका हुन् ।

यसअघि जनयुद्घमा रहेको तत्कालीन नेकपा माओवादीले २०५५ सालमा कब्जा गरेको सो जग्गा २०६५ सालमा फिर्ता गरेको थियो ।

हाम्रो फेसबुक पेज लाइक गरिदिनु होला

कानुनी स्वामित्व यी तीनजनाको नाउँमा देखिए पनि सो जग्गा वर्र्षाैंअघिदेखि भूमिहीन गरिब किसानले खनजोत गर्दै आएकाले उनीहरुको गाउँ बसाउन जग्गा कब्जा गरिएको नेकपा–माओवादी महोत्तरीले जनाएको छ । पार्टीको झण्डा गाडेर कब्जा गरिएको सो जग्गामा धमाधम सुकुम्वासी बस्ती बसाउन लागिएको सो पार्टीको वर्र्गीय सङ्गठन अखिल नेपाल किसान सङ्घको मिथिला ब्युरोकी सहसंयोजक अप्सरा बरालले बताए ।

यसअघि जिल्लाको भङ्गाहा, हरिहरपुरहरिनमरी र बनौटा गाविसमा गरी करिब १०० बिघा जग्गा सो दलले २०५५ सालदेखि नै कब्जा गर्दैआएको छ । यसैबीच मानवअधिकारकर्मी र कानुन व्यवसायीहरुले माओवादीले निजी सम्पत्ति कब्जा गरेर गाउँबस्तीका बासिन्दालाई तर्साउन खोजेको आरोप लगाएका छन् ।