युवतीका कारण इटलीका पूर्व प्रधानमन्त्रीलाई ७ वर्ष जेल

असार ११ । कम उमेरकी यौन व्यवसायीसँग यौन सम्पर्क राखेपछि इटलीका पूर्व प्रधानमन्त्री सिल्भियो बुर्लुस्कोनीले ७ वर्षको जेल सजाय पाएका छन् ।

अदालतले बुर्लोस्कोनीलाई आफ्नो जिन्दगीभर कुनै पनि सार्वजनिक पदमा रहन प्रतिबन्ध समेत लगाएको छ ।

हाम्रो फेसबुक पेज लाइक गरिदिनु होला

इटलीको एक अदालतले रुबी भनिने १७ वर्षिय यौनकर्मी किशोरीसँग सन् २०१० मा ठूलो रकम दिएर शारीरिक सम्बन्ध राखेको आरोप अदालतले पुष्टि गर्दै उक्त सजाय तोकेको हो ।

इटालीको कानुन अनुसार १८ वर्ष भन्दामुनिका नाबालिगमा पर्छन् । नाबालिगसँग पैसा दिएर सेक्स गर्नु गैरकानुनी मानिन्छ ।

तर दुवै जनाले भने अदालतको उक्त कुरालाई खण्डन गर्दै आफूहरुले अहिलेसम्म शारिरीक सम्बन्ध नराखेको बताउँदै आएका छन् ।

बिबिसीका अनुसार सन् २०१० मा बुर्लोस्कोनीको निजी आवासमा एक पार्टीको आयोजना भएको थियो । जहाँ डान्सर रुबीलाई बोलाइएको थियो ।

सो पार्टीमा रुबीलाई डान्सरका रुपमा बोलाइएको र उक्त पार्टीपछि नाबालिग यौनकर्मी रुबीले ७ हजार युरो प्राप्त गरेकी थिइन् । पछि आरोपीहरुले सोही विषयलाई लिएर शारीरिक सम्बन्ध भएको दाबी गर्दै आएका छन् ।

अन्तर्राष्टिय सञ्चारमाध्यमहरुका अनुसार रुबीले आफूले पाएको रकम बुर्लुस्कोनीले आफूलाई उपहार दिएको बताएकी छन् ।