पाल्पामा पहिरोबाट एकै घरका तीनको मृत्यु

५ असार । अविरल वर्षाका कारण पहिरोमा च्यापिएर गएराति एकै घरका तीन जनाको मृत्यु भएको छ ।

पाल्पा जिल्लाको वीरकोट गाविस–३ मा पहिरोले च्यापेर वीरकोटका बलबहादुर बाह्रघरेका पत्नी र दुई छोराछोरीको मृत्यु भएको जिल्ला प्रहरी कार्यालय पाल्पाले जनाएको छ ।

मृत्यु हुनेहरूमा बलबहादुरकी पत्नी ४६ वर्षीया खगीसरा बाह्रघरे, छोरी १३ वर्षीया नीरमाया र छोरा १० वर्षीय मनिष रहेका छन् । सोही घटनामा घाइत भएका बलबहादुरको स्थानीय मेडिकलमा उपचार भइरहेको छ ।