एकल महिलाको रहस्यमय मृत्यु

जेठ १६ । अर्घाखाँचीको ढिकुरामा एक महिला मृत अवस्थामा फेला परेकी छिन् ।

ढिकुरा गाविस–९ गौचौर निवासी ५६ वर्षीया लक्ष्मी रास्कोटी आफ्नै गोठको माथिल्लो तलामा बुधबार बिहान मृत अवस्थामा फेला परेको जिल्ला प्रहरी कार्यालय अर्घाखाँचीले बताएको छ ।

एकल महिला रास्कोटी आफैंले सानो पसल चलाइआएकी थिइन् । दिनभर पसलमा काम गरी साँझ सकुशल सुतेको र बिहान मृत अवस्थामा भेटिएकाले उनको मृत्यु रहस्यमय भएको स्थानीयबासिन्दा जनक थापाले बताए ।

मृतक रास्कोटीले लगाउने गरेका करिब चार तोला सुनका गहनाहरु समेत मृत शरीरमा नभेटिएको छिमेकी रूपेस रास्कोटीले बताए ।