जेठ ६ । नेपाली बजारमा सुनको भाउ आज पनि ओरालो नै लागेको छ । सोमबार स्थानीय बजारमा सुन तोलामा ४ सय रुपैयाँ सस्तिएर ४८ हजार ६ सय ९८ रुपैयामा कारोबार जारी छ ।

हिजो छापावाल सुन तोलाको ४९ हजार १ सयमा कारोबार भएकोमा आज ४ सयले सस्तिएको हो ।

अन्तर्राष्ट्रिय बजारमा सुनको भाउमा आएको गिरावटका कारण नेपाली बजारमा पनि सुनको भाउमा हस आएको हो ।

आजका लागि नेपाल सुन चाँदी व्यवसायी महासंघले आज तेजाबी सुनको भाउ प्रति दशग्राम ४१ हजार ५ सय ३५ अर्थात् तोलाको ४८ हजार ४ सय ४७ रुपैयाँ तोकेको छ ।

आज चाँदीको भाउ पनि तोलामा २० रुपैयाँले घटेर ८ सय ३० रुपैयाँ कायम भएको छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।