प्रेस
युनियन सुर्खेतले शनिबार वीरेन्द्रनगरमा आयोजना गरेको पत्रकार सम्मेलनमा
बोल्दै कोइरालाले राष्ट्रपतिले संविधानको रक्षाका लागि भए पनि कदम
चाल्नुपर्ने धारणा व्यक्त गरेका हुन् । कोइरालाले राष्ट्रपतिले कदम
चाल्नुपर्ने बताए पनि कस्तो कदम चाल्ने भन्ने विषयमा केही बोलेनन् ।
सोही
अवसरमा सभापति कोइरालाले एकीकृत माओवादीका उपाध्यक्ष एवम् प्रधानमन्त्री
डा. बाबुराम भट्टराईले भनेजस्तो तानाशाही व्यवस्था नेपालमा टिक्न नसक्ने
समेत बताएका छन् । कोइरालाले पत्रकारसँँग कुरा गर्दै भने ‘एमाओवादीले
सहमतिको राजनीतिक छोडेर एकदलीय सर्वसत्तावाद लादन खोजिरहेको छ तर नेपालमा
बाबुरामले खोजेजस्तो तानाशाही व्यवस्था टिक्न सक्दैन ।’ उनले एमाओवादी
अध्यक्ष पुष्पकमल दाहाल प्रचण्ड र उपाध्यक्ष एवम् प्रधानमन्त्री भट्टराईले
नेपालमा तानाशाही प्रवृत्ति लागु गर्न खोजे उनीहरुको हालत गद्धाफिको जस्तै
हुने चेतावनी समेत दिएका छन् ।
