माघ ७ – हत्यालाई कारबाही गर्न मागको विषयमा पाल्पाको रामपुरमा तनाव उत्पन्न भएपछि त्यहाँ कर्फ्यू लगाइएको छ ।

रामपुरमा २७ वर्षीय सोनु श्रेष्ठको हत्याको विषयमा तनाव उत्पन्न भएपाछि आज बिहानैदेखि स्थानीय र प्रहरीबीच त्यहाँ झडप समेत भएको छ । झडपमा परी १८ जना प्रहरीका साथै तीन जना प्रदर्शनकारी घाइते समेत भएका छन् ।

स्थितिलाई नियन्त्रणमा लिन नसकेपछि त्यहाँ आज दिउँसो तीन बजेदेखि अनिश्चितकालिन कफ्र्यू लगाइएको हो ।

आज त्यहाँ आक्रोशित स्थानीयले प्रहरी कार्यालयमा तोडफोड गर्नुका साथै कार्यालय परिसरमा रहेको प्रतिक्षालयमा आगजनी गरेपछि प्रहरीले ६५ राउण्ड हवाइ फायर गर्नुका साथै अश्रुग्याँस प्रहार गरेको छन् ।

हत्यारालाई कारबाही गर्न माग गर्दै स्थानीयले प्रहरी कार्यालयमा ढुंगामुढा समेत गरेपछि त्यहाँको स्थिति नियन्त्रण लिन पाल्पा, पोखरा र बुटवलबाट प्रहरी मगाइएको बताइएको छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।