भद्रपुर, ११ पुस । झापामा मोटसाइकलको ठक्करबाट गएराति एक पैदलयात्रुको मृत्यु भएको छ भने एकजना घाइते भएका छन् ।
मृत्यु हुनेमा मेचीनगर नगरपालिका–१० बस्ने २६ वर्षीय दोर्ज तामाङ रहेका इलाका प्रहरी कार्यालय काँकडभिट्टाले जनाएको छ ।
काँकडभिट्टाको पुरानो भन्सार नजिकको प्रहरी चेकपोस्टअगाडि नम्बर नखुलेको मोटरसाइकलले ठक्कर दिएपछि गम्भीर घाइते भएका उनको उपचारको क्रममा धुलाबारी अस्पतालमा मृत्यु भएको हो ।
मोटरसाइकलचालक मान सुब्बा पनि गम्भीर घाइते भएका र उनको प्रहरीको निगरानीमा सोही अस्पतालमा उपचार भइरहेको बताइएको छ । रासस
Comments
