भैँसीको आक्रमणबाट मान्छेको ज्यान गयो

मङ्सिर ४ – महोत्तरीमा भैँसीको आक्रमणबाट एक जनाको ज्यान गएको छ ।

जिल्लाको बथनाहा गाविस–७ मरुवाही बस्ने वर्ष ७५ का हासिम कवारीको भैंसीको आक्रमणबाट मृत्यु भएको हो ।

आज बिहान घरबाहिर घाम तापेर बसिरहेका कवारीलाई आफ्नै भैँसीले आक्रमण गरी गम्भीर घाइते बनाएका थिए ।

घाइते कवारीलाई परिवारजनले उपचारका लागि भारतीय सहर सुरसण्डमा लगेको र उनको उपचारकै क्रममा मृत्यु भएको स्थानीय माओवादी नेता सत्येन्द्र यादवले बताए ।

कवारीका नातिले भैँसीलाई चराउन वनमा लगिरहेका बेला त्यो भैँसीले हातको डोरी फुत्काएर कवारीमाथि आक्रमण गरेको थियो ।