असोज १६ – अमेरिका जानका लागि इलेक्ट्रोनिक माध्यमबाट भरिने भिषा सन् २०१४ को लागि पनि खुल्ला गरिएको छ ।

नेपालस्थित अमेरिकी राजदूतावासले सन् २०१४ को डिभी कार्यक्रमका लागि आजदेखि आवेदन खुला गरेको हो । आवेदन आजदेखि अन्तिम म्याद आगामी कात्तिक १८ गतेसम्म रहेको दुतावासले जनाएको छ ।

डिभी चिट्ठामा सहभागी हुन कुनै शुल्क नलाग्ने र आवदेकहरूले डिभी–२०१४ डाइभर्सिटी भिसा चिठ्ठाका लागि आवेदन इलेक्ट्रोनिक माध्यमद्वारा दर्ता अवधिभित्र पेस गरिसक्नुपर्ने पनि दूतावासको भनाई छ ।

भिसाका लागि योग्य हुन डिभी विजेताहरूले कम्तीमा बाह्र वर्ष बराबरको औपचारिक शिक्षा हासिल गरेको हुनुपर्ने र उच्च शिक्षाका कुनै पनि संस्थानमा कुनै पनि विषय पढ्न पाउने गरी नेपाल सरकारले मान्यता दिएका सीटीईभीटीलगायतका व्यावसायिक डिग्रीलाई मात्र औपचारिक शिक्षा सरहको मान्यता दिइने जनाइएको छ ।

सीमित उच्च शैक्षिक कार्यक्रममा मात्र सहभागी हुन पाउने खालका व्यावसायिक डिग्रीलाई बाह्र वर्षे औपचारिक शिक्षा सरहको मान्यता नदिइने पनि दूतावासद्वारा जारी विज्ञप्तिमा उल्लेख छ ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।