भदौ ९ – सिरहामा आज सवारी दुर्घटनामा परी एक जनाको मृत्यु भएको छ भने एकै परिवार अन्य चार जना घाइते भएका छन् ।
पूर्व–पश्चिम राजमार्गअन्तर्गत सिरहाको लहानमा भएको सवारी दुर्घटनामा परी सप्तरी कल्याणपुरका ३० वर्षीय रामप्रकाश ठाकुरको घटनास्थलमै मृत्यु भएको हो ।
दुर्घटनामा एकै परिवारका चारजना घाइते भएको प्रहरीले बताएको छ ।
दुर्घटनामा सप्तरी कञ्चनपुरका मनोज गुप्ता, उनकी श्रीमती २४ वर्षीया किरणदेवी गुप्ता, ६ वर्षीय छोरा राजन र चार वर्षीया छोरी माधुरी घाइते भएका छन् ।
घाइते सबैको लहानस्थित सप्तऋषि अस्पतालमा उपचार भइरहेको छ ।
स ३ प १८८१ र को ६ प ४०० नम्बरको मोटरसाइकल एक आपसमा जुध्दा दुवै मोटरसाइकल अनियन्त्रित भएर लहानबाट गाईघाट जाँदै गरेका बा २ ख ३०६४ नम्बरको बसमा ठोक्किन पुगेको प्रहरीले बताएको छ ।
Watch Video
Comments