साउन १६ – पूर्वपश्चिम राजमार्गको सर्लाहीखण्डमा सवारी दुर्घटनामा परी महादेव मन्दिरमा जल चढाएर फर्कंदै गरेका बोलबम तीन जना तीर्थयात्रीको मृत्यु भएको छ ।
दुर्घटनामा परी अन्य दुई गम्भीर घाइते भएका छन् ।
महोत्तरीको टुटेश्वर महादेव मन्दिरबाट फर्कंदै गर्दा बढी लोडका कारण अनियन्त्रित भई बाँके जङ्गल खण्डमा राति ९ बजे ज१त ४८८१ नम्बरको ट्र्याक्टर पल्टेको थियो ।
दुर्घटनामा परी दुईजनाको घटनास्थलमै र एकजनाको उपचारार्थ लैैजाँदै गर्दा बाटामै मृत्यु भएको प्रहरीले बताएको छ ।
मृत्यु हुनेमा सर्लाही भक्तिपुर गाविस–७ का मरु पण्डित, उनकी श्रीमती लालवतीदेवी र सोही ठाउँका उमेश महतो छन् । गम्भीर घाइते दुईजनालाई उपचारार्थ राति नै भरतपुर अस्पताल लगिएको प्रहरीले जनाएको छ ।
अन्य घाइतेको स्थानीय अस्पतालमा उपचार भएको छ । ट्र्याक्टरमा सवार सबैजसो एउटै गाउँका थिए । दुर्घटनालगत्तै चालक फरार रहेको र खोजी भइरहेको प्रहरीले जनाएको छ ।
|
|