असार ३ – वीरगन्ज पथलैया सडकखण्डअन्तर्गत बाराको पिपरा सिमरा– ९ स्थित आधाभार जङ्गलमा गएराति सडक दुर्घटनामा परी एकजनाको मृत्यु भएको छ ।
पथलैयाबाट हेटौँडातर्पm गइरहेको ना१९प २१४ नम्बरको मोटरसाइकललाई हेटौँडाबाट पथलैयातर्पm आइरहेको ना२ख २२५६ नम्बरको ट्रकले ठक्कर दिँदा मोटरसाइकल चालक मकवानपुर हेटौँडा–७ का ४० वर्षीय रामप्रसाद चौलागाईंको मृत्यु भएको हो । उनको नारायणी उप क्षेत्रीय अस्पताल, वीरगन्जमा उपचारका क्रममा मृत्यु भएको हो ।
सोही मोटरसाइकलमा सवार चौलागाईंकी श्रीमती कमला चौलागार्इं भने गम्भीर घाइते भएकी छन् । उनको नेसनल मेडिकल कलेज वीरगन्जमा उपचार भइरहेको पर्सा प्रहरीले जानकारी दिएको छ ।
Comments