काठमाडौं । कालिमाटीस्थित तरकारी फलफूल सहकारी संस्था लिमिटेडले संस्थाभित्र कुनै पनि प्रकृतिको अनियमितता नभएको दाबी गरेको छ ।
हेलोखबरमा सहकारी भित्र अनियमितता देखिएको र सम्पूर्ण अनियमितताको छानबिनका लागि समिति गठन गर्नुपर्नेमा कुनै व्यक्ति विशेषलाई कारबाही गर्ने उद्देश्य राखेर छानबिन समिति बनाएको विषयमा समाचार प्रकाशित भएपछि सहकारीले प्रेस काउन्सिलमा उजुरी दिँदै समाचारको खण्डन गरेको हो ।
खण्डनसँगै समाचार प्रकाशन गर्ने हेलोखबर डटकम र त्यसका सम्पादकलाई कारबाहीको माग समेत गरिएको छ भने आगामी दिनमा समाचार प्रकाशित नगर्न चेतावनी समेत दिइएको छ ।
हेलोखबरले समाचार प्रकाशित गर्नपूर्व सहकारीका अध्यक्ष र सचिवसँग कालिमाटीस्थित एक रेष्टुरेष्टमा भेटेर यस विषयमा बुझेको थियो । सो क्रममा अध्यक्ष राजन पराजुलीले आफूहरु निष्पक्ष रुपमा काम गरिरहेको र संस्थाभित्रको सबै अनियमितताको छानबिन गर्न सचिवको नेतृत्वमा समिति बनाएको बताएका थिए ।
उनै पराजुलीले प्रेस काउन्सिलमा भने सोधपुछ समेत नगरी समाचार प्रकाशित गरेको दाबी गर्दै कारबाहीको समेत माग गरेका हुन् ।
हेर्नुहोस् खण्डन
यो पनि पढ्नुहोस्
- तरकारी फलफुलमा अनियमितताले बबण्डर, छानबिनको नाममा उठ्यो प्रश्न
- तरकारी फलफूल सहकारी अनियमितताः कम्पनीको खातामार्फत शंकास्पद कारोबार
