काठमाडौं । तालिवानले कब्जा गरेको अफगानिस्तानबाट ११८ जना नेपाली र ९ भारतीय काठमाडौं उत्रिएका छन् । उनीहरु कुबेत हुँदै काठमाडौं आइपुगेका हुन् । अफगानिस्तानको काबुलबाट अमेरिकी एयरफोर्सले उनीहरुलाई उद्धार गरेर कुबेत पुर्याएको थियो त्यहाँबाट जजिरा एयरको विमानमार्फत् आज बिहान काठमाडौंको त्रिभुवन अन्तर्राष्ट्रिय विमानस्थलमा अवतरण गरेका छन् । यसअघि १२७ जना नेपाली रहेकाे बताइएकाेमा ११८ जना नेपाली र ९ भारतीय रहेकाे पाइएकाे हाे ।
अफगानिस्तानबाट आएका उनीहरुलाई ल्याउन नेपाली सेनाको टोली त्रिभुवन अन्तर्राष्ट्रिय विमानस्थलमा पुगेको छ । उनीहरुलाई सामाखुसीस्थित एक आइसोलेसन सेन्टरमा राखिने जनाइएको छ ।
Comments
