काठमाडौं । नेकपा एकीकृत समाजवादी पार्टीको नेतृत्व गरिरहेका माधव कुमार नेपालले १३ घण्टामा ५३ हजारको रियाक्सन पाएका छन् । नेकपा एमालेबाट विभाजनपछि एकीकृत समाजवादीको प्रमाणपत्र पाएसँगै नेपालले आफ्नो फेसबुकको पेजमा दल दर्ता प्रमाणपत्र लेखेर निर्वाचन आयोगले दिएको प्रमाणपत्रको फोटो सेयर गरेका थिए ।
उक्त फोटोमा १३ घण्टामा ५३ हजारले रियाक्सन गरेका छन् । जसमध्ये ४५ हजारले लाइक गरेका छन् २ हजारले लभ रियाक्ट जनाएका छन् । त्यसो त ५ हजार २ सयले हाँसाको रियाक्ट समेत गरेका छन् ।
उनको उक्त प्रमाणपत्रसहितको पोष्टमा १९ हजारले कमेन्ट गरेका छन् । जसमा अधिकांश बधाई लेखिएको पाइएको छ । ओली समूहका कतिपयले भने आलोचना समेत गरेका छन् । नेपालको उक्त पोष्ट १२ सयले सेयर गरेका छन् । नेपालको फेसबुक पेजमा १ लाख ५८ हजार फ्यान रहेका छन् ।
Comments
