रुखले च्यापेर पत्रकार शाहीको निधन

जाजरकोट १९ माघ । नायकवाडाँ ७ गैरीगाउँमा सोमवार नेपाल पत्रकार महासंघ जाजरकोट शाखा सदस्य वीरबहादुर शाहीको  रुखले च्यापेर निधन भएको छ । आफ्नै घर वनाउने प्रयोजनका लागी रुख ढाल्न खोज्दा रुख आफैतिर ढले पछि शाहीको मृत्यू भएको हो ।

सोमवार बेलुका ५ वजे तिर भएको घटनाको विस्तृत विवरण आउन वाँकी रहेको जिल्ला प्रहरी कार्यालय जाजरकोटले जनाएको छ । घटना विवरणको विस्तृत जानकारीको लागि घटना स्थलतिर आश्यक प्रहरी परिचालन गरिएको जिल्ला प्रहरी कार्यालयले  जानकारी दियो ।

नेपाल पत्रकार महासंघ जिल्ला शाखा सदस्य शाहीको दुखद निधन प्रति जाजरकोट जिल्ला शाखाले गहिरो दुख व्यक्त गरेको छ । युवा पत्रकारीताको क्षेत्रमा उर्जाशिल वीरबहादु शाहीको दुखद निधनले जिल्ला शाखा जाजरकोटलाई अतुलनिय क्षेति भएको जिल्ला शाखा अध्यक्ष जनक केसीले वताए ।

समचार श्रोतका अनुसार शाहीको लास पोष्टमार्टमका लागि भोलि नै जिल्ला सदरमुकाम खलंगामा ल्याई पुर्याइने वताईएको छ । पत्रकारीताको क्षेत्रमा शाही विगत केही वर्ष यता देखि निकै सक्रिय रहदै आएका थिए ।