साउन १९। सिन्धुपाल्चोकस्थित सुनकोशी नदीमाथिबाट खसेर पहिरोमा मृत्यु हुनेको संख्या ३३ पुगेको छ । त्यहाँ अझै १२० जना हराईरहेका छन भने ४३६ प्रत्यक्ष विस्थापित भएका छन् ।
स्काभेटर र डोजर लगाएर बेपत्ताहरुको पहिरोले पुरिएको स्थानमा खोजी गर्दा सोमबार मात्रै २० शव भेटिएको हो । २० मध्ये १४ महिला, ६ पुरुष र ३ बालबालिका छन् ।
शनिबार बिहान गएको पहिरोमा बेपत्ताहरुको खोजी कार्य अझै जारी छ । पहिरोले पुरिएको स्थानमा नेपाली सेना, सशस्त्र प्रहरी र नेपाल प्रहरीले खोजी कार्य जारी राखेका छन् ।
सुनकोसीमा पहिरो खसेर ५ सय मिटर अग्लो बाँध बनेको छ । बाँध फुट्ने खतरा भने अझै टरेको छैन । पानीको बहाव भने ओभर फ्लो भएर बगिरहेको छ ।
Comments