नेपाल भ्रमणमा रहेको भारतीय गुप्तचर संस्था रिर्सच एन्ड एनालाइसिस विङ ९रअ० प्रमुख समान्तकुमार गोयललाई भेट्न कांग्रेस सभापति तथा पूर्व प्रधानमन्त्री शेरबहादुर देउवा आफैं पुगेका छन् ।
रअको टोली सोमबार उच्चस्तरीय राजनीतिक भेटवार्तामा व्यस्त रहेको बेला पूर्वप्रधानमन्त्री देउवाले मयादा नै बिर्सेर आफैं भेट्न पुगेका हुन् ।
रअको टोलीले सत्तारुढ र प्रतिपक्षी दलका केही नेतासहित संसदका विभिन्न समितिका पदाधिकारीसँग पनि सामूहिक र छुटाछुट्टै भेटवार्ता भने गरेको थियो ।
रअ प्रमुख समान्तकुमार गोयल नेतृत्वको पाँच सदस्यीय टोली आइतवार दिउँसो काठमाडौं आएपछि भेटवार्तामा जुटेको थियो । भेटघाटका लागि नेता देउवा स्वयं लैनचौरस्थित भारतीय दूतावास पुगेको थिएका थिए भने प्रचण्डलाई भेट्न रअका अधिकारी प्रचण्ड निवास खुमलटार पुगेका थिए ।
दूतावास स्रोतका अनुसार आइतवार साँझ ७ बजेर ४० मिनेटमा दूतावास पुगेका देउवा करिव चार घन्टापछि राति ११ बजेर ४० मिनेटमा बाहिरिएका थिए । देउवासँगको भेटमा काँग्रेस सांसदद्वय डा। अमरेशकुमार सिंह र विनोद चौधरी पनि सहभागी रहेको समाचारपत्रले समाचार छापेको छ । रअ अधिकारीको सम्मानमा दूतावासले आइतवार साँझ दूतावास परिसरमा रात्री भोज दिएको थियो । सोही जमघटमा देउवा सहितको टोली दूतावास पुगेको थियो । रअ प्रमुख गोयल सहितको टोली बौद्धस्थित हायात होटलमा बसेको छ ।
