अलपत्र परेकालाई बोकेर गएको बस दुर्घटना, १ दर्जन घाइते

काठमाडौं १० वैशाख । काठमाडौंमा अलपत्र श्रमिक तथा मजदुरहरुलाई बोकेर दोलखा जाँदै गरेको बस दुर्घटना हुँदा दर्जनको संख्यामा घाइते भएका छन् । काठमाडौंबाट दोलखा जाँदै गरेको बस रामेछापमा दुर्घटना भएको हो ।
मजदुर बोकेर गइरहेको बा २ ख ६८१८ नम्बरको बस बुधबार बिहान ४ बजे मन्थली नगरपालिका–६ मा दुर्घटना भएको प्रहरीले जनाएको छ । बसमा ३९ जना सवार रहेको बताइएको छ । दुर्घटनाको कारणबारे अनुसन्धान भइरहेको प्रहरीले जनाएको छ ।