पूर्वपश्चिम राजमार्गमा बस दुर्घटना, १२ को मृत्यु २० जना घाइते

काठमाडौं । भारटबाट आफ्नो गाउँ फर्कर्दै गर्दा पूर्वपश्चिम राजमार्गअन्तर्गत बाँकेको राप्ती सोनारी गाउँपालिका–२ ठुरिया जंगलमा गाडी दुर्घटना हुँदा १२ जनाको निधन भएको छ । दुर्घटनामा अन्य २० जना घाइते भएका छन् ।

उनीहरुलाई लिएर नेपालगञ्जबाट सल्यानतर्फ जाँदै गरेको फोर्स गाडी गएराति करिब १२ बजेतिर दुर्घटनामा परेको हो । ११ जनाको घटनास्थलमै र एक जनाको भेरी अञ्चल अस्पताल नेपालगन्जमा उपचारको क्रममा मृत्यु भएको हो ।

ना ५ ख ५९९५ नम्बरको गाडी रोकिराखेको बा ४ ख ९०६४ नम्बरको ट्रकमा ठोक्किएर दुर्घटना भएको बाँके प्रहरीले जनाएको छ । मृतक ११ पुरुष र एक महिला छन् । उनीहरुको सनाखत हुन सकेको छैन ।