काठमाडौं । विवास्दप अभिव्यक्ति दिएकी समाजवादी पार्टीकी सांसद सरिता गिरीको घरमा युवाहरुको एक समूहले कालोझण्डा राखेको छ ।
लिपुलेक कालापानीसहितको नक्सा खारेजीको माग गर्दै संशोधन दर्ता गरेपछि उनको झनै विरोध भइरहेको बेला बुधबार साँझ विशालनगरस्थित उनको घरमा कालो झण्डा राखिएको हो । उनको घरमा राखेको कालोझण्डा प्रहरी पुगेर हटाएको छ । उनको घरमा कसले कालो झण्डा राखेको भन्नेबारे खुल्न आएको छैन ।
सत्तारुढ नेपाल कम्युनिस्ट पार्टीको युवा संगठनले सांसद गिरीलाई कारबाही गर्न माग गरेको छ ।
गिरीकै पार्टी समाजवादी पार्टीले पनि उनलाई सो प्रस्ताव फिर्ता लिन आग्रह गरेको छ र फिर्ता नलिए कारबाही गर्ने चेतावनी दिएको छ ।
Comments
