महाबौद्धमा २ व्यवसायीमा कोरोना पुष्टि, पसल क्षेत्रमा सिल



काठमाडौं । काठमाडौं महानगरपालिका–२७ को व्यापारिक क्षेत्र महाबौद्धको दुई जना व्यवसायीमा कोरोना संक्रमण पुष्टि भएको छ । कोरोना पुष्टि भएसँगै पसल क्षेत्र सिल गरिएको छ । कोरोना पुष्टिको खबरसँगै त्यस क्षेत्रमा पसलेहरुले आफैं पसल बन्द गरेका छन् ।

दुई व्यवसायीमा संक्रमण देखिएको भन्दै सोमबार वडा कार्यालयले सूचना जारी गरी उनीसँग सम्पर्कमा आएकाहरूले स्वास्थ्य परीक्षण गराउन अनुरोध गरेको छ।

संक्रमितहरू भारत घर भई हाल गोसिफलमा डेरा गरी बस्ने र गणेश मन्दिर नजिकै पसल गरी बस्ने रहेको खुलेको छ ।

हाम्रो फेसबुक पेज लाइक गरिदिनु होला

वडाले गणेश मन्दिरदेखि महाबौद्ध स्तुपा सम्मको व्यवसायीको पिसिआर रिपोर्ट नआएसम्म सुरक्षा उपाय अपनाउन समेत अनुरोध गरेको छ।

संक्रमितसँग सम्पर्कमा आएकाहरूको स्वाब मंगलबार संकलन गरिने वडा कार्यालयले जनाएको छ । संक्रमितलाई अहिले टेकुस्थित आइसोलेशनमा राखिएको छ ।

कमेन्ट गर्नुहाेस्