तिहारको दोस्रो दिन आज कुकुर तिहार मनाईदै

कात्तिक १६ । हिन्दूहरुको महान दोस्रो पर्व तिहार अन्तर्गत दोस्रो दिन आज कुकुरको पूजा गरेर मनाईदैछ ।

आज कुकुरलाई टीका तथा माला लगाइदिएर मीठा मीठा खानेकुरा खान दिई पूजा गरिने चलन छ ।

आजका दिन कुकुरको पूजा नगरी खाना खाएमा पापी भइन्छ भन्ने भनाइ छ । प्रत्येक वर्षको कृष्ण चतुर्दशी दिन कुकुरको पूजा गरिन्छ । आजको दिनलाई नरक चतुर्दशी पनि भनिन्छ । यस दिन कुकुरलाई विशेष प्रकारका खानेकुरा खान दिने चलन छ ।