आज पनि ह्वात्तै घट्यो सुनको भाउ

काठमाडौं । लगातार उकालो चढेर घट्न थालेको सुनको भाउ आज पनि ठूलो मात्रामा घटेको छ । आज (बुधबार) सुनको भाउप्रति तोला ६ हजार २ सय रुपैयाँले घटेको हो ।
नेपाल सुन चाँदी व्यवसायी महासंघले छापावाल सुनको भाउ तोलाको ९५ हजार ४ सय रुपैयाँमा आएको जनाएको छ ।

यसैगरी, तेजावी सुनको मूल्य तोलाको ९४ हजार ९ सय रुपैयाँ निर्धारण भएको छ । चाँदीको भाउ पनि प्रतितोला २२५ रुपैयाँले घटेर १२ सय १० रुपैयाँ कायम भएको छ ।

मंगलबार छापावाल सुनको भाउ तोलाको १ लाख १ हजार ६ सय रुपैयाँ थियो । यसैगरी, तेजावी सुनको मूल्य तोलाको १ लाख १ हजार १ सय रुपैयाँ निर्धारण भएको थियो । चाँदीको भाउ प्रतितोला १४ सय ३५ रुपैयाँ रहेको थियो । अन्तर्राष्ट्रिय बजारमा सुन चाँदीको मूल्य घटेसँगै नेपाली बजारमा पनि भारी गिरावट आएको हो ।