सुनको भाउ ओरोलो लाग्ने क्रम रोकिएन, आज पनि घट्यो

काठमाडौं । हिजो घटेर कारोबार भएको सुनको भाउ सोमबार पनि घटेको छ । आज सुनको मूल्य प्रतितोला ५ सय रुपैयाँ घटेको छ ।

नेपाल सुन चाँदी व्यवसायी महासंघका अनुसार छापावाल सुनको भाउ तोलाको ९७ हजार ९ सय रुपैयाँमा आएको छ ।

यसैगरी, तेजावी सुनको मूल्य पनि तोलाको ९७ हजार ४ सय रुपैयाँ निर्धारण भएको छ । चाँदीको भाउ प्रतितोला १३ सय २०रुपैयाँ कायम भएको छ ।

यसअघि आइतबार छापावाल सुनको भाउ तोलाको ९८ हजार ४ सय रुपैयाँ रहे थियो । यसैगरी, तेजावी सुनको मूल्य तोलाको ९७ हजार ९ सय रुपैयाँमा कारोबार भएको थियो । यसैगरी, चाँदी प्रतितोला १३ सय ४५ रुपैयाँमा खरिदबिक्री भएको थियो ।