प्रतिवद्धता पत्र नाम दिइएको उक्त घोषणापत्रमा एमाओवादीले समकालिन राजनीतिमा पार्टी अध्यक्ष पुष्पकमल दाहाललाई अरु भन्दा कोर्सौ अगाडी भएको भन्दै दाहाललाई निर्विवाद नेताको रुपमा उभ्याएको छ ।
घोषणापत्र सार्वजनिक गर्दै पार्टी अध्यक्ष दाहालले आफ्नो पार्टीको घोषणापत्र परम्परागत संसदीय पार्टीकोजस्तो खोक्रो आश्वसनको पुलिन्दा नभएको बताए ।
नेता बाबुराम भट्टराई संयोजकत्वमा घोषणापत्र लेखन समितिले घोषणापत्र तयार पारेको थियो ।
कार्यक्रममा नेता भट्टराईले भने प्रतिबद्धतापत्रमा एमाओवादीले गर्न सक्ने कामलाई अभिलेखिकरण गरेको जनाए ।
घोषणा पत्रमा ४० वर्षमा नेपाललाई विश्वमै धनी बनाउने, ३ वर्षमा लोडसेडिंगको अन्त्य गरिने, भूमिमाथि वास्तविक जोताहा किसानको अधिकार सुनिश्चित गरिने, गरीवीको रेखामुनी रहेका विपन्न बर्गलाई सामाजिक सुरक्षाको हक हुने जस्ता आश्वासन अघि सारिएको छ ।
प्रत्यक्ष निर्वाचित राष्ट्रपति र व्यवस्थापिका सदस्यहरुबाट निर्वाचित प्रधानमन्त्रीलाई जोड दिइएको घोषणापत्रमा संघीय नेपालको मूल तहगत संरचना संघ, प्रदेश र स्थानिय गरि तीन तहको हुने उल्लेख गरिएको छ ।
माओवादीले आफ्नो घोषणापत्रमा ११ प्रदेशलाई अघि सारेको छ ।
