काठमाडौं । दुबईमा जारी इन्डियन प्रिमियम लिग (आइपिएल) को प्ले अफ रोमाञ्चक मोडतिर धकेलिन थालेको छ । चेन्नाई सुपर किंग्सले आईपीएल क्रिकेटमा मंगलबार भएको खेलमा सनराइजर्स हैदरावादलाई २० रनले हराएर तेस्रो जित हासिल गरेको छ ।
उक्त जितसँगै चेन्नाई, हैदरावाद र राजस्थान रोयल्सको समान ६–६ अंक भएको छ । रन रेटका आधारमा हैदरावाद पाँचौं र राजस्थान सातौं स्थानमा छन् । चौथो नम्बरमा रहेको कोलकाता नाइट राइडर्सको आठ अंक छ । हैदरावाद र चेन्नाईले बाँकी टिमसँग एक–एक म्याच बढी खेलेका छन् । यी दुवै टिमले आठ खेल खेलिसकेका छन् ।
मुम्बई, दिल्ली, आरसिबीले भने पाँच अंक बटुलेर क्रमश पहिलो, दोस्रो र तेस्रो स्थान ओगटिरहेका छन् । कलकत्ता राइडर्स चार जित निकालेर चौथो स्थानमा छ । ५६ खेल मध्ये २९ वटा खेल सम्पन्न भइसकेका छन् । अझै पनि धेरै खेल बाँकी रहेकाले कुन टिम बाहिरिने र नबाहिरिने भन्ने टुंगो लाग्न बाँकी छ । तर, प्लेअफ भने रोमाञ्चक बन्न पुगेको छ ।