५ लाख ४१ हजारलाई युनाइटेड हाइड्रोपावरको १० कित्ता सेयर

युनाइटेड इदी मर्दी हाइड्रोपावरको आइपीओमा ८१ हजार २७३ जनाले गोलाप्रथामार्फत १० कित्ताका दरले सेयर पाएका छन् । आवेदन दिएका कुल ५ लाख ४१ हजार २६३ जना सर्वसाधारणमध्ये बाँडफाँटपछि बाँकी रहेको ६ कित्ता सेयर भने १० कित्ता भन्दा बढी आवेदन दिने ६ जनालाई थप १ कित्ताका दरले थप गरिएको छ । बाँकी ४ लाख ५९ हजार ९८९ जना आवदकको हात खाली भएको छ । यसमा ८६१ जनाको आवेदन रद्द भएको छ ।

कम्पनीले सर्वसाधारणका लागि कुल ८ लाख १२ हजार ७३६ कित्ता सेयर छुट्याएको थियो । यसमा कुल ९४ लाख ९८ हजार ४०० कित्ताका लागि ९४ करोड ९८ लाख ४० हजार रुपैयाँ बराबरको आवेदन परेको थियो । यो आवेदन सर्वसाधारणबाट माग गरिएको भन्दा ११.६८ गुणा बढी हो । इदी मार्दीले मंसिर ३ देखि ७ गतेसम्म आइपीओ बिक्री खुला गरेको हो ।

हाम्रो फेसबुक पेज लाइक गरिदिनु होला

कम्पनीले आयोजना प्रभावित स्थानीयले नकिनेको २ लाख ४३ हजार ९१० कित्ता सेयरसमेत थप गरी कुल ८ लाख ७३ हजार ९१० कित्ता सेयर खुला गरेको हो । यसमध्ये ४३ हजार ६९६ कित्ता सेयर म्युचुअल फन्डलाई बाँडफाँट गरिएको छ । यस्तै, कर्मचारीका लागि १७ हजार ४७८ कित्ता सेयर छुट्याइएको छ । बाँकी रहेको सेयर सर्वसाधारणमा खुला गरिएको हो ।