इन्फ्रास्ट्रक्चर बैंककाे नेपालकै ठूलो आइपिओ २ माघबाट



काठमाडौं । नेपाल इन्फ्रास्ट्रक्चर बैंकको नेपालकै अहिलेसम्मको ठुलो आइपिओ माघ २ गतेबाट खुल्ला हुने भएको छ । बैंकले ८ अर्ब रुपैयाँ बराबरको ८ करोड कित्ता शेयर निष्काशनमा ल्याउन लागेको हो ।

बैंकको अधिकृत पूँजी ४० अर्ब, जारी पूँजी २० अर्ब र चुक्ता पूँजी १२ अर्ब रहेको छ । ८ अर्ब रुपैयाँ बराबरको आईपीओ निष्काशन गरेपछि बैंकको चुक्ता पूँजी २० अर्ब रुपैयाँ पुग्नेछ।

हाम्रो फेसबुक पेज लाइक गरिदिनु होला

आईपीओ निष्काशनका लागि बैंकले क्रेडिट रेटिङ्ग पनि गराइसकेको छ। इक्रा नेपालले बैंकलाई ‘इक्राएनपी आईआर त्रिपल बी’ रेटिङ्ग प्रदान गरेको छ। यसले कम्पनीको वित्तयि अवस्था मध्यम रहेको, समयमै वित्तीय दायित्व पुरा गर्ने सम्बन्धमा मध्यम सुरक्षित रहेको र मध्यम क्रेडिट जोखिम रहेको जनाउँछ ।