प्रचण्ड–माधव समूहले दियो संसद सचिवालयलाई दलको नेता परिवर्तन भएको जानकारी

काठमाडौं । नेकपा प्रचण्ड–माधव समूहले संसदीय दलको नेता पुष्पकमल दाहाल प्रचण्ड रहेको दाबी गर्दै दलको नेता परिवर्तन भएको जानकारी संसद सचिवालयलाई दिएको छ ।

शुक्रबार ११५ सांसदको उपस्थितिमा बैठक बसेर पुष्पकमल दाहाल प्रचण्डलाई दलको नेता चयन गरेको यो समूहको दावी छ । त्यही जानकारी दिन प्रचण्डसँगै अर्का अध्यक्ष माधवकुमार नेपालसहितका सांसदहरुले संसदका महासचिव भरतराज गौतमलाई भेटेका छन् । संसदीय दलको नेता परिवर्तनको सूचना दर्ता गर्न संसद सचिवालयले अस्वीकार गरेको छ । महासचिव गौतमले दर्ता नगर्ने अडान राखेपछि सांसदहरु पम्फा भुसाललगायतले दर्ता नगर्नुको कारण लेखेर दिन माग गरेका छन् ।

हाम्रो फेसबुक पेज लाइक गरिदिनु होला