मंसिर ३ – विराटनगरमा आयोजित एक भोजमा सहभागी नै पेस्तोलसहित पक्राउ परेका छन् ।
मोरङमा आयोजित उक्त भोजमा भएको झगडामा पेस्तोल देखाएर ज्यानमार्ने धम्की दिने व्यक्तिलाई प्रहरीले पेस्तोलसहित पक्राउ गरेको हो ।
विराटनगर–१६ दरैया बस्तीका श्याम राजवंशीको घरमा भोज हँुदै गर्दा उत्पन्न वादविवादमा स्थानीयबासीलाई पेस्तोल पड्काएर धम्की दिने सोही ठाउँका ३९ वर्षीय धर्मेन्द्र शर्मा वञ्जारा एक थान अमेरीकन पेस्तोल र त्यसमा प्रयोग हुने म्योगेजिनसहित पक्राउ परेका हुन् ।
धमेन्द्रले आइतबार साँझ मादक पदार्थ सेवन गरी पेस्तोल पड्काएर स्थानीयवासीलाई मारिदिने धम्की दिएको बताइएको छ । प्रहरीले शर्माको १२प ५७५९ नम्बरको मोटरसाइकलसमेत नियन्त्रण लिएको छ ।
वञ्जाराविरुद्ध हातहतियार तथा खरखजाना मुद्दा चलाइने मोरङ प्रहरीले जनाएको छ ।
Comments