कात्तिक २१ – कैलालीको टीकापुरमा आज साँझ एउटा बाल्टिन बम फेला परेको छ ।
उक्त बाल्टिन बम कैलालीको टीकापुर नगरपालिका वडा नं. १ थानापुरमा लम्की–खक्रौला सडक निर्माण गर्ने क्रममा फेला फेला परेको हो ।
उक्त बम फेला परेको स्थानतर्फ धनगढीबाट नेपाली सेनाको बम डिस्पोजल टोली प्रस्थान गरिसकेको बताइएको छ ।
सडक निर्माण गर्ने क्रममा पुरानो कल्भर्ट भत्काउँदै गर्दा फेला परेको उक्त बाल्टिन बम द्वन्द्वको समयमा माओवादीले सुरक्षाकर्मीलाई लक्षित गरी राखेको हुनसक्ने अनुमान प्रहरीले गरेको छ ।
Comments