प्रभु बैंकले गत आर्थिक वर्षको चौथो त्रैमासमा ६८ प्रतिशतले नाफा बढेकाे वित्तीय विवरण सार्वजानिक गरेको छ। गत आर्थिक वर्षमा बैंकले कुल २ अर्ब १ करोड रुपैयाँ नाफा कमाएको छ जुन अघिल्लो आर्थिक वर्षको तुलनामा ६८.४५ प्रतिशतले धेरै हो। अघिल्लो वर्ष बैंकले १ अर्ब १९ करोड रुपैयाँ मात्रै नाफा कमाएको थियो।

बैंकको खुद ब्याज अम्दानी ११ प्रतिशतले बढेको छ भने फि कमिशनमार्फत हुने आम्दानी समेत २४ प्रतिशतले बढेको छ। जसले नाफा बढ्न सहयोग पुर्याएको हो। बैंकको नाफासँगै प्रतिशेयर आम्दानी समेत ११ रुपैयाँबाट बढेर १७ रुपैयाँ पुगेको छ। भने प्रतिशेयर नेटवर्थ १५३ रुपैयाँ छ।

बैंकको पूँजी १० प्रतिशतले बढेर ११ अर्ब ३४ करोड पुगेको छ भने जगेडामा ४ अर्ब ४५ करोड छ। निक्षेप संकलन २८ प्रतिशतले बढेर १ खर्ब ६४ अर्ब पुगेको छ भने कर्जा लगनी ३६ प्रतिशतले बढेर १ खर्ब ३५ अर्ब पुगेको छ। बैंकको खराब कर्जा ३.१५ प्रतिशतबाट घटेर १.६८ प्रतिशतमा झरेको छ।

Comments

  • हेलोखबरमा प्रकाशित कुनै पनि सामग्रीबारे केही गुनासो तथा सुझाव भए हामीलाई [email protected] मा पठाउन सक्नुहुनेछ । धन्यवाद ।