तारागाउँ रिजेन्सी होटलले तोक्यो साधारण सभाको मिति, बुक क्लोज समय पनि तोकियो

काठमाडौं । १२ प्रतिशत नगद लाभांश वितरण गर्ने प्रस्ताव गरेको तारागाउँ रिजेन्सी होटलले पुस २९ गते २३ औँ वार्षिक साधारण सभा आह्वान गरेको छ । होटलले नेपाल प्रज्ञा प्रतिष्ठान, प्रज्ञा प्रेक्षालय, कमलादीमा साधारण सभा बोलाएको हो । सभामा कम्पनीले आर्थिक वर्ष २०७५र७६ मुनाफाबाट चुक्ता पूँजीको १२ प्रतिशत (५ प्रतिशत कर कट्टि पश्चात) नगद लाभांश वितरण गर्ने प्रस्ताव पारित गर्नेछ ।

साधारण सभा तथा लाभांश वितरण प्रयोजनको लागि कम्पनीले पुस ८ गतेदेखि २९ गतेसम्म बुक क्लोज गर्ने जनाएको छ। जसअनुसार, पुस ७ गतेसम्म नेप्सेमा कारोबार भई कायम शेयरधनीहरुले मात्र सो सभामा भाग लिन तथा लाभांश प्राप्त गर्न सक्नेछन् ।