पुस २२ ।मंगल ग्रहमा जान आवेदन छनौट भएका १ हजार ५८ जना मध्ये एक जना नेपाली पनि जाने भएका छन् ।
मंगल ग्रहमा मानव सदाका लागी लौजाने योजना अनुसार नेदरल्याण्डस्थित ‘मार्स वान’ संस्थाले छानेका मध्ये एक जना नेपाली मंगल ग्रह जाने भएका हुन् ।
यस्तो मौका पाउनेमा पाल्पा रामपुरका समीर न्यौपाने रहेका छन् ।
मार्स वानले पहिलो चरणको नामावाली सार्वजनिक गरेपनि अन्य पनि छनोट गर्न बाँकी छ ।
प्रत्येक २२ वर्षमा ४ जनालाई मंगल ग्रहमा पठाउने योजना बनाएको मार्स वानले सन् २०२४ मा पहिलोपट ४ जनालाई पठाउने तयारी गरेको छ ।
उनीहरुलाई त्यहाँ पठाउनुअघि विभिन्न मंगल ग्रहको जस्तै वातावरणमा राखेर परीक्षण गरिनेछ । परीक्षणमा पास भए उनी मंगल ग्रह जानेछन् ।
विज्ञान विषय लिएर प्लस टु पढिरहेका समीर आफू मंगलग्रह जानेमा विश्वस्त छन् ।
मार्स वानले बायो डाटा सहित ग्रहमा जान खोज्नुका कारणसहितको ३ मिनेटको भिडियो र तीनवटा प्रश्नको जवाफ पठाएका थिए । मंगल ग्रहमा जानको लागि विश्वभरबाट २ लाख भन्दा बढीले आवेदन दिएका थिए ।
