उपचार खर्च तिर्न नसक्दा तीन दिनदेखि कोरोना संक्रमित पुरुषको शव अस्पतालमै

विराटनगरस्थित विराट मेडिकल कलेजले पैसा नतिरेको भन्दै कोरोना संक्रमणका कारण मृत्यु भएका एक पुरुषको शव तीन दिनसम्म आफन्तलाई नदिई राखेको छ । उपचारको क्रममा उठेको बिलको रकम तिर्न नसक्दा विराटनगर–३ का ६५ वर्षीय एक पुरुषको शव अस्पतालले आफन्तलाई नदिएको हो ।

एक बोर्डिङ स्कुलमा सवारी चालकको रुपमा कार्यरत ती पुरुषलाई ६ कात्तिकमा विराट मेडिकल कलेजमा भर्ना गरिएको थियो । शनिबार बिहान करिब ८ बजे उनको मृत्यु भएको थियो ।