कालिमाटीस्थित तरकारी बजारमा गएराति भीषण आगलागी हुँदा एकै परिवारको चारसहित ६ जनाको जलेर मृत्यु भएको छ ।
काठमाण्डौको कालिमाटी फलफूल तथा तरकारी बजारमा राती करिब १० बजेतिर एक्कासी तरकारी बजारको मुख्य घरमा आगलागी भएको हो ।
प्रहरीले विद्युत सर्ट भएर आगो लागेको हुन सक्ने अनुमान गरेको छ । तर यकिन कारण भने खुल्न सकेको छैन ।
आगलागीबाट मृत्यु हुनेमा तरकारी बजारका सुरक्षागार्ड हिरा पुन, उनकै छोरीहरु शान्ति र निरा तथा छोरा निराजन रहेका छन् ।
अन्य दुई जनाको भने सनाखत हुन नसकेको प्रहरीले जनाएको छ । हिराकी श्रीमती हिक्काको भने उपचार भइरहेको बताइएको छ । आगलागीबाट तरकारी बजारमा ठूलो क्षती पुगेको छ ।
पछिल्लो समय आगलागीका घटना बढेर गएका छन् । तपाई पनि होस गर्नुहोस है । बत्ति नभएको बेला चार्जमा राखेर हिड्दा, ग्यास चुह्लो अन गरेर हिड्दा केटाकेटीले भेटेमा पनि जोखिम हुन सक्छ ।
Comments