काठमाडौं २५ कात्तिक । हरेक १०-१० वर्षमा हुने जनगणना आजबाट सुरु हुँदै छ । यस वर्ष २५ कात्तिकदेखि सुरु भई ९ मंसिरसम्म चल्ने छ ।
राष्ट्रपतिको विवरण संकलन गरी जनगणनाको शुरुआत गरिने भएकाे छ । त्यसपछि प्रधानमन्त्री शेरबहादुर देउवाकोमा र दिउँसो उपराष्ट्रपति नन्दबहादुर पुन कहाँ गणक पुग्ने समय तालिका बनाइएको छ ।
जनगणनाको पहिलो चरणमा घर तथा घरपरिवारको सूचीकरण यसअघि नै भइसकेको छ । सूचीकृत भइसकेका र कुनै कारणबस छुटेका समेत सबै परिवारमा गणकहरु पुगेर आजबाट व्यक्तिहरुको विस्तृत विवरण संकलन गर्ने छन् । विवरण संकलन गर्न देशभर करिब ४० हजार गणक र साढे आठ हजार सुपरीवेक्षक परिचालित भएका छन् ।