काठमाडौं २५ कात्तिक । अनलाइन सपिङ कम्पनी दराजले बिग सेल ११.११ को नाममा सर्वसाधरणमाथि बह्मलुट गरेको पाइएको छ ।
दराज कम्पनीले क्याननको एउटा क्यामेरालाई ९ प्रतिशत छुट दिएर पनि बजारमा चलन चल्तीको मूल्य भन्दा ७ हजार महँगोमा बिक्री गरिरहेको पाइएको छ । क्यानन इओएस १५०० डि क्यामेराको मूल्य बजारमा ५५ हजारसम्ममा किनबेच हुने गरेको पाइएको छ । तर, दराजले भने ६२ हजारमा बिक्री गरिरहेको छ ।
सामान किन्दा बाइक लगायत पाउने आश्वासन देखाएको दराजले बजार मूल्य भन्दा महँगोमा सर्वसाधरणलाई सामान भिराउने गरेको हो । उक्त क्यामेरामा ९ प्रतिशत छुट दिएको समेत जनाइएको छ ।
यता, एलिटिक्वयू नाम अनलाइनले सोही क्यामेराको मूल्य ५५ हजारमा राखेर बिक्री गरिरहेको छ । जानकारहरुका अनुसार उक्त क्यामेरा बजारमा ५५ हजारसम्ममा किनेबेच हुने गरेको छ । तर, दराजले भने ग्राहकलाई बाइक लगायत विभिन्न प्रलोभन देखाएर महँगोमा सामान बेचिरहेको पाइएको हो ।
