बढ्यो सुनको भाउ, हेर्नुहोस् आजको यस्तो छ मूल्य

काठमाडौं । नेपाली बजारमा आज (सोमबार) सुनचाँदीको मूल्य वृद्धि भएको छ । आज सुन तोलामा २०० रुपैयाँले बढेर कारोबार भइरहेको छ । हिजो आइतबार सुनको मूल्य स्थिर रहेकोमा आज भने थोरै वृद्धि भएको हो ।

नेपाल सुन चाँदी व्यवसायी महासंघले आज छापावाला सुन प्रतितोला ९७ हजार २०० रुपैयाँ र तेजाबी सुन प्रतितोला ९६ हजार ७०० रुपैयाँमा कारोबार भइरहेको जनाएको छ । शुक्रबार र हिजो आइतबार सुनको भाउ प्रतितोला ९७ हजार रुपैयाँ तोकिएको थियो ।

यसैगरी चाँदीको मूल्य पनि सोमबार तोलामा पाँच रुपैयाँ बढेर प्रतितोला एक हजार ३२० रुपैयाँमा खरिदबिक्री भइरहेको छ । आइतबार चाँदी प्रतितोला एक हजार ३१५ रुपैयाँमा किनबेच भएको थियो ।